Tramp Turkiyada ozod qilingan pastor bilan uchrashadi

AQSh prezidenti Donald Tramp, Turkiyada ozod qilingan pastor Endryu Branson Oq Uyga tashrif buyurishi xaqida bayonot berdi. Bu haqda NBC News xabar bermoqda.

Amerikaning prezidenti so‘zlariga ko‘ra, Branson allaqachon Turkiyadan chiqib ketgan. Trampning aytishicha, pastor Germaniyada "to‘liq tekshiruvdan o‘tish" uchun to‘xtab o‘tadi.

"Shundan so‘ng, u Oq Uyga kelishi mumkin, ehtimol shanba kuni", - deydi Tramp.

Avvallroq, AQSh Davlat Departamenti Turkiyani Branson ozod qilinganidan keyin barcha amerikaliklarni ham ozod qilishga chaqirgan edi.

Manba: ufq.uz