EI SWIFT’ning ruscha analogiga qarshi sanksiyalar joriy etishni taklif qildi

Evropa Ittifoqi Ukrainadagi harbiy harakatlar tufayli Rossiyaga qarshi sanksiyalarning 14-paketi doirasida Markaziy bankning Moliyaviy xabarlarni uzatish tizimiga (SPFS) cheklovlar kiritishi mumkin, deb xabar bermoqda Bloomberg manbalarga tayanib.

SPFSdan tashqari, YEIda muhokama qilingan chora-tadbirlar qatoriga Rossiya geliysini olib kirishga taqiq joriy etish, marganets rudasi va noyob yer elementlarini eksport qilishga cheklovlarni kuchaytirish kiradi, deb yozadi agentlik. Bryussel «Rossiyaning harbiy sa’y-harakatlariga yordam berishda» gumon qilgan 11 ta kemaning o‘z portlariga kirishini to‘sib qo‘yish imkoniyatini ko‘rib chiqmoqda.

SPFS 2014 yilda tashqi xavflarni kamaytirish va moliyaviy xabarlarni uzatish bo‘yicha uzluksiz xizmatlarni ta’minlash maqsadida yaratilgan. Tizim xabarlarni SWIFT, ISO 20022 va mijozning shaxsiy formatlarida yuborish imkoniyatiga ega. 2024 yil yanvar holatiga ko‘ra, 20 mamlakatdan 557 ta bank va kompaniya SPFSga ulangan.