Tik Tok'da KXDR yetakchisi haqidagi targ‘ibot qo‘shig‘i tobora kuchayib bormoqda

Shimoliy Koreyada bir necha hafta oldin chiqarilgan targ‘ibot qo‘shig‘i Tik Tok'da mashhur bo‘ldi. «Do‘stona ota» qo‘shig‘i bilan ishlangan video KXDR yetakchisi Kim Chen Inga bag‘ishlangan. Tik Tok'da qo‘shiqning mashhurligiga birinchi bo‘lib BBC e’tibor qaratdi.

«Do‘stona ota» videosi aprel oyi o‘rtalarida e’lon qilingan bo‘lib, unda Shimoliy koreyaliklar Kim Chen Inning tadbirga kelishi bilan quvonayotgani aks etgan.

Tik Tok'da ushbu qo‘shiq ishtirokidagi postlar millionlab layklarga ega bo‘ldi. Ijtimoiy tarmoq foydalanuvchilari uni ABBA qo‘shiqlari bilan solishtirmoqda. Shimoliy Koreya bo‘yicha ekspert Piter Mudining so‘zlariga ko‘ra, qo‘shiq haqiqatan ham ABBA uslubida yozilgan, u «quvnoq» va «jozibali», deb ta’kidlaydi BBC.