Moskva va Berlin o‘rtasidagi janjal: Germaniya elchisini chaqirib oldi
Germaniya sosial-demokratik partiyasi (GSDP) resurslariga kiberhujum uyushtirishda Moskvani ayblaganidan keyin Germaniya Rossiyadagi elchisini maslahatlashuvlar uchun chaqirib oldi. Bu haqda «TASS» xabar bermoqda.
3 may kuni Rossiya elchixonasi vakili Germaniya Tashqi ishlar vazirligiga chaqirilgan, u yerda «2023 yilda GSDP markaziy ofisiga GRU tomonidan boshqariladigan ART28 xakerlar guruhining isbotlangan kiberhujumi munosabati bilan» norozilik bildirgan.
Rossiya Federasiyasining Germaniyadagi Muvaqqat ishlar vakili Rossiyaning kiberhujumga aloqadorligi haqidagi ayblovlarni rad etdi. Elchixona, shuningdek, Germaniya Tashqi ishlar vazirligining ushbu demarshini «Germaniyada Rossiyaga qarshi kayfiyatni qo‘zg‘atishga» qaratilgan va ikki davlat o‘rtasidagi munosabatlarni «keyinchalik buzilishiga» olib keladigan «yana bir nodo‘stona qadam» deb atadi.
