“Amerika afsonasi”ning nabirasi o‘z joniga qasd qildi

AQShda Elvis Preslining 27 yoshli nabirasi, musiqachi Benjamin Kio vafot etdi.

Qayd etilishicha, musiqachining jasadi Kalabasas (Kaliforniya) shahridagi uyida topilgan.

Dastlabki tergovlarga ko‘ra, Benjamin o‘z joniga qasd qilgan.

Benjaminning onasi Liza Mari Presli – Elvis Preslining yagona qizi bo‘lib, Benjamindan tashqari yana uch qizni voyaga yetkazgan.

Elvis Presli - taniqli amerikalik qo‘shiqchi va aktyor bo‘lib, 1967, 1972 va 1974-yillarda Gremmi mukofotiga sazovor bo‘lgan.