Diyora Usmonova marhum turmush o‘rtog‘i tomonidan zo‘ravonlikka uchragani haqida gapirdi

O‘zbekiston birinchi xonimi Ziroatxon Mahmudovna Mirziyoyevaning jiyani Diyora Usmonova milliarder Alisher Usmonovning jiyani marhum Bobur Usmonov tomonidan zo‘ravonlikka uchraganini yodga oldi.

«Oiladagi zo‘ravonlik haqida. Qizlar, gapirishdan qo‘rqmanglar. Ushbu videodan keyin yaqinlarim menga nima deyishlarini bilmayman, lekin men bu kurashga hissa qo‘shishimga ishonaman va yordam berish uchun har qanday harakatga tayyorman. U oyog‘imdan ushlab, boshim bilan zinadan pastga uloqtirgan edi», deydi Diyora Usmonova.

Shuningdek, Usmonovaning janjal faqat erkakning aybi bilan bo‘lmasligini ham ta’kidladi.

«Aybning yarmi ayollarda, chunki biz o‘zimizni yetarlicha qadrlamaymiz, jasoratli emasmiz», deydi Diyora Usmonova.