O‘zbekistonda dunyodagi eng yirik mis va oltin zaxirasi mavjud — Mayk Bir

«Men barchangizni O‘zbekistonda dunyodagi eng yirik mis va oltin konini qurish va keyinchalik ishlab chiqarish boshlanishi bilan tabriklamoqchiman. Dunyoning hech qaysi davlatida bunday ko‘lamdagi va minerallarga boy bo‘lgan zaxiralar hali ochilmagan», — dedi u.

U jahon bozorida misga bo‘lgan talab kun sayin oshib borayotganini aytdi.

«Elektr avtomobillarni ishlab chiqarish jarayonida mis juda ko‘p ishlatiladi. Shuning uchun siz olib borayotgan siyosat uzoqni ko‘zlovchi siyosat desak mubolag‘a bo‘lmaydi. Chunki, yaqin o‘rtada jahon bozorida misga bo‘lgan ehtiyoj ortadi. Hozir bizni qo‘limizda, 19,5 mlrd tonnaga teng bo‘lgan ruda bor. Bundan tashqari, 45 mln tonna mis va 5,5 ming tonna oltin zaxirasi mavjud», — dedi Mayk Bir.