Avstriya NATOga a’zo bo‘lishdan bosh tortdi

Avstriya tashqi ishlar vaziri Aleksandr Shallenberg OAVda Venaning NATO bilan hamkorlikni oshirish rejalari haqidagi xabarlari fonida respublika alyansga a’zo bo‘lish niyatida emasligini aytdi.

«Biz u yerga kirishni rejalashtirmayapmiz», dedi vazir mamlakat Milliy kengashi (parlament quyi palatasi) tashqi siyosat qo‘mitasi oldida so‘zlagan nutqida.

Uning so‘zlariga ko‘ra, Avstriya neytral davlatlar «unutilmasligi» uchun boshqa neytral davlatlar - Irlandiya, Malta va Shveysariya bilan ma’lumot almashishni yo‘lga qo‘yishga harakat qilmoqda.