Italiya o‘z qurollaridan Rossiyaga qarata o‘qqa otishga ruxsat bermadi
Italiya tashqi ishlar vazirligi rahbari Antonio Tayani mamlakati Rossiya agressiyasini qaytarish uchun Kiyevga berayotgan qurollar faqat Ukraina hududida foydalanish uchun mo‘ljallanganligini aytdi.
Tayanining ta’kidlashicha, Italiya Ukrainaga o‘z chegaralaridan tashqarida foydalanish mumkin bo‘lgan mablag‘larni bermaydi.
«Biz yuborayotgan barcha harbiy aktivlar faqat Ukraina hududida foydalanish uchun mo‘ljallangan», - dedi italiyalik siyosatchi.
Italiya tashqi ishlar vaziri Fransiya prezidenti Emmanuel Makronning so‘nggi bayonotiga ham izoh berdi. Tayanining qayd etishicha, Italiya Ukrainaga alyans harbiylarini yuborishga qarshi.
«NATO qarorlarini NATO qabul qiladi va biz NATOning bir qismimiz. Biz Rossiya bilan urushayotganimiz yo‘q va biz ruslarga qarshi jang qilish uchun qo‘shin yuborishga qarshimiz», - dedi Italiya rasmiysi.
