“UzAutoMotors”ga ishga kirish uchun 42 000 AQSh dollari so‘rashdi

Bosh prokuratura huzuridagi Departamentning Asaka tuman bo‘limi tomonidan “UzAutoMotors” AJning boshqarma boshliqlari va boshqalarning murojaatlariga asosan o‘tkazilgan tergovga qadar tekshiruvda, “U-C” qo‘shma korxonasi AJ qo‘riqlash xizmati boshlig‘i A.YU., korxona haydovchisi J.A. va boshqalar oldindan til biriktirib 31 nafar fuqaroning ishonchiga kirib, ularni tumandagi “UzAutoMotors” AJga turli lavozimlariga ishga joylashtirib qo‘yish evaziga, 42 000 AQSh dollarini firibgarlik yo‘li bilan qo‘lga kiritganliklari aniqlangan.

"Human.uz"ga ko‘ra, mazkur holat yuzasidan A.YU. va boshqalarga nisbatan Jinoyat kodeksining tegishli moddalari bilan jinoyat ishi qo‘zg‘atilib, tergov harakatlari o‘tkazilmoqda.