O‘z joniga qasd qilgan sobiq senatorning ahvoli qanday?

Chechenistonlik sobiq senator, o‘z joniga qasd qilishga uringan ishbilarmon Umar Jabrailovning ahvoli qoniqarli deb baholanmoqda. Bu "Moskva" agentligi 3 aprel juma kuni ma’lum qildi.

"Kechqurun isitmasi 36,7, ertalab - 36,5", – deya ma’lum qildi agentlik Sklifosovskiy nomidagi shoshilinch tibbiy yordam ilmiy-tadqiqot instituti ma’lumotiga tayanib.

2 aprel kuni Jabrailov Moskva mehmonxonalaridan birida yarador holda topilgani va kasalxonaga yotqizilgani haqida xabar berilgandi. Voqea joyiga kelgan tez yordam shifokorlari, sobiq senatorning haydovchisi chaqirgan, u "shok holatida" bo‘lgani aytilmoqda.

2017 yilda kokain ta’siri ostida Jabrailov Kremlga qarama-qarshi bo‘lgan mehmonxonaga o‘q uzgan. Hech kim jabrlanmagan, sud esa ishbilarmonni 500 ming rubl miqdorida jarimaga tortgan. Shundan so‘ng, sobiq senator "Yagona Rossiya" partiyasidan chiqarilgan.

Jabrailov Chechenistonni Federasiya Kengashida 2004 yildan 2009 yilgacha ishlagan. Shundan so‘ng u prezident yordamchisining maslahatchisi lavozimida faoliyat yuritgan. 2000 yilda Jabrailov prezident saylovlarida qatnashgan, ammo u atigi 0,1 foiz ovoz olishga muvaffaq bo‘lgan.

Jabrailovning asosiy boyligi – Moskvada "Zilart" turar-joy majmuasini qurayotgan "Avanti Stroygrupp" kompaniyasi.