Qirg‘iziston prezidenti Markaziy Osiyo energetika tizimida avariya yuz berishi mumkinligini istisno etmadi

Bu haqda Qirg‘iziston prezidenti Sadir Japarov o‘zining ijtioiy tarmoqlardagi sahifasida yozdi.

"Mustaqillik yillarida Qirg‘izistonda birorta ham GES qurilmadi, yuqori quvvatli transformatorlar va yuqori voltli liniyalar yangilanmadi, elektr jihozlarining eskirishi 80 foizdan oshdi. Ayni paytda aholi soni 1,5 barobar ko‘paydi”.

U energiya sarfini kamaytirish bo‘yicha ishlar o‘z vaqtida amalga oshirilmasa, bu nafaqat Qirg‘iziston energetika tizimida, balki Markaziy Osiyoning o‘zaro bog‘langan energetika tizimida ham tizimli avariyaga olib kelishi mumkinligidan ogohlantirdi.