Putin Poroshenkoni Ukraina armiyasini «yanchib tashlashi» haqida ogohlantirganmi?

Rossiya yetakchisining matbuot kotibi Dmitriy Peskov Vladimir Putin Ukraina prezidenti Pyotr Poroshenkoga tahdid qilgani haqidagi ma’lumotlarni rad etdi. Bu haqda RIA «Novosti» xabar bermoqda.

Ta’kidlanishicha, ushbu ma’lumotlar Fransiya sobiq prezidenti Fransua Ollandning xotira kitoblarida keltirilgandi. U yerda bildirilishicha, Putin Poroshenkoni Ukraina armiyasini «yanchib tashlashi» haqida ogohlantirgan.

Peskovning so‘zlariga ko‘ra, Putinda ruslarni kamsitish holatlari bo‘yicha «juda qat’iy pozisiya» mavjud. Uning qayd etishicha, deyarli barcha muzokaralarda qatnashgan, ammo prezidentdan bunday so‘zlarni eshitmagan.