Maktabda ishlovchi pensionerlarga 100 foiz pensiya to‘lanishi rejalashtirilmoqda

2019 yil 1 yanvardan xalq ta’limi muassasalarida ishlovchi pensioner xodimlarga to‘liq miqdorda pensiya to‘lash taklif etilmoqda. Bu Normativ huquqiy hujjatlar muhokamasi portalida Prezidentning «Xalq ta’limi tizimini takomillashtirishga doir chora-tadbirlar to‘g‘risida»gi farmoni loyihasiga kiritilgan, deb xabar bermoqda «Norma».

Hujjatda yuqori toifali mutaxassislar uchun xalq ta’limi muassasalari jozibadorligini oshirishga yo‘naltirilgan chora-tadbirlar kompleksini amalga oshirish nazarda tutilgan. 

Shu paytdan e’tiboran umumta’lim muassasalari rahbarlarini pullik xizmatlar ko‘rsatishdan kelib tushadigan qo‘shimcha daromadlarning 10 foizigacha miqdorida moddiy rag‘batlantirish tartibini joriy etish rejalashtirilmoqda.