Olimpiadaga yo‘llanma olgan futbolchilarimizga qanchadan mukofot berildi?

Futbol bo‘yicha O‘zbekiston Olimpiya terma jamoasi U23 Osiyo kubogida kumush medallariga va Olimpiada yo‘llanmasiga ega chiqqan edi. Vakillarimiz finalda yaponiyalik tengdoshlariga minimal hisobda yutqazib qo‘ygandi.

Ma’lumotlarga qaraganda, terma jamoa futbolchilarining har biriga 30 ming dollardan davlat mukofot puli berilgan.

Eslatib o‘tamiz, Timur Kapadze shogirdlari Olimpiadada “C” guruhidan joy oldi va guruhda Ispaniya, Dominikan hamda Misr terma jamoalar bilan o‘ynaydi.