Shols Sandu bilan Ukrainadagi mojaro oqibatlarini muhokama qiladi

Germaniya kansleri Olaf Shols 17 may kuni Berlinda Moldova prezidenti Mayya Sandu bilan muzokaralar o‘tkazadi. Bu haqda jurnalistlarga Germaniya hukumatining rasmiy vakili Shteffen Xebeshtrayt ma’lum qildi.

«Kelgusi hafta, 17 may, juma kuni kansler 13:30da Moldova prezidenti Mayya Sanduni qabul qiladi», dedi u va muzokaralarda asosiy e’tibor Ukrainadagi mojaro haqida, xavfsizlik masalalari, «Moldovaning Yevropa Ittifoqiga yo‘li» va uning oqibatlariga qaratilishini aytdi..

Qo‘shma matbuot anjumani 14:30 ga rejalashtirilgan.