Keniyadagi suv toshqinlari natijasida 44 ta yangi vabo kasalligi aniqlandi

Jahon sog‘liqni saqlash tashkiloti (JSST) Keniyaning Tana daryosi hududida sel suvlarining ichimlik va maishiy suv bilan aralashishi natijasida 44 ta yangi vabo kasalligi aniqlanganini ma’lum qildi.

Jahon Sog‘liqni Saqlash Tashkiloti yozma bayonotida, Sharqiy Afrika davlatida aprel oyidan beri kuchli yomg‘ir sabab bo‘lgan suv toshqinlarining epidemiya xavfini oshirganini qayd etdi.

Bayonotda sel suvlarining ichimlik va maishiy suvga qorishishi natijasida vabo va bezgak epidemiyalari tez-tez uchraganligi, respublika bo‘ylab 44 ta yangi vabo kasalligi aniqlangani qayd etilgan.

Ushbu ma’lumotlarga ko‘ra, Keniya hukumatining favqulodda choralar ko‘rish harakatlari qo‘llab-quvvatlanadi: «Biz tezda nazoratga olinmasa, osonlikcha tarqalishi mumkin bo‘lgan epidemiyalarga qarshi hushyor bo‘lamiz.»

Xavfli hududlarga 20 ta pnevmoniyani davolash to‘plami yetkazib berildi, ular 10 mingga yaqin odamni davolashga qodir.

Bayonotda 238 kishining chorak milliondan ortiq kishiga zarar yetkazgan suv toshqinlarida halok bo‘lgani, mamlakatdagi umumiy salomatlik holati diqqat bilan kuzatilayotgani bildirildi.

Keniya sog‘liqni saqlash kotibi Meri Mutoni poytaxt Nayrobida sog‘liqni saqlash rasmiylari bilan suvni tozalash vositalarini tarqatib, epidemik kasalliklar xavfi xavfli darajaga yetishi mumkinligi haqida ogohlantirdi.

Uning so‘zlariga ko‘ra, suv orqali yuqadigan epidemiyalar o‘z vaqtida chora ko‘rilmasa, falokatga aylanishi mumkin. Muthoni, shuningdek, oziq-ovqat mahsulotlariga kiradigan suv toshqini oziq-ovqat xavfsizligi xavfini oshirishini ta’kidladi.