AQShda jahonning eng badavlat kishilaridan biri vafot etdi
Amerikalik tadbirkor, jahonning eng boy kishilaridan biri Devid Kox 79 yoshida vafot etdi. Bu haqda New Yorker jurnalisti Jeyn Mayer xabar berdi.
"Devid Koxning oilasiga yaqin manbalarning aytishicha, u vafot etdi", — deb yozdi jurnalist Twitter sahifasida.
Kox 1940 yilda tug‘ilgan. Texnologik ma’lumotga ega bo‘lgach, akasi bilan otasining Koch Industries firmasida faoliyat boshlagan. Otasining o‘limidan so‘ng aka-ukalar kompaniya faoliyatini ancha kengaytirishgan.
Forbes nashrining ma’lumotlariga ko‘ra, 2018 yil iyun holatiga uning boyligi 51 milliard dollarni tashkil etgan, u jahonning eng boy kishilari ro‘yxatida 11-o‘rinni egallagan. Bloomberg agentligining yozishicha. Aka-ukalarning boyligi 2019 yil avgust oyida 124, 5 milliard dollarga teng bo‘lgan.