So‘nggi uch kunda Rossiyadan 800 dan ortiq o‘zbekistonlik yurtimizga qaytarildi

Davlatimiz rahbari ko‘rsatmasiga muvofiq xorijdagi fuqarolarimizni O‘zbekistonga olib kelish uchun 25 maydan 7 iyungacha 17 ta charter reysni amalga oshirish belgilangandi.

Bugungacha ushbu reyslarning uchtasi amalga oshirildi. Ushbu reyslarda Rossiya shaharlari – Yekaterinburg, Moskva va Sankt-Peterburgdagi 830 nafar O‘zbekiston fuqarosi ortga qaytarildi.

Xorijdan qaytgan barcha fuqarolar aeroportdan karantin markazlariga yuborilgan.

Bugun, 28 may kuni Toshkent – Rostov-Don – Toshkent hamda Toshkent – Istanbul – Toshkent yo‘nalishida charter reyslari amalga oshiriladi.