May oyining so‘nggi kunlari kuchli shamol va yog‘ingarchiliklar kuzatiladi
Gidrometeorologiya xizmati markazidan xabar qilinishicha, may oyining so‘nggi kunlari ayrim joylarda yomg‘ir yog‘adi. Shamol tezligi sekundiga 15-20 metrgacha kuchayadi.
Qoraqalpog‘iston va Xorazm viloyatida 28 mayda yog‘ingarchilik kutilmaydi. 29-31 may kunlari ayrim joylarda yomg‘ir yog‘adi. Harorat 28 mayda kechasi 17–22°, kunduzi 32–37°; 29-31 mayda kechasi 13–18°, kunduzi 25–30 daraja issiq bo‘ladi.
Buxoro va Navoiy viloyatlarida harorat 28–30 mayda kechasi 17–22°, 31 mayda 15–20°, 28-29 mayda kunduzi 34–39°, 30-31 mayda 28-33 daraja issiqqacha pasayadi.
Toshkent, Jizzax, Samarqand va Sirdaryo viloyatlarida harorat kechasi 15–20°, 28–30 may kunlari kunduzi 31–36°; 31 mayda 28–33 daraja issiq bo‘lishi kutilmoqda.
Qashqadaryo va Surxondaryo viloyatlarida harorat kechasi 17–22°, kunduzi 28-29 may kunlari 34–39°; 30 mayda 32–37°, 31 mayda 30–35 daraja issiq bo‘ladi.
Andijon, Namangan va Farg‘ona viloyatlarida harorat kechasi 28 mayda 10–15°, 29–31 may kunlari 15-20°, kunduzi 31-36 daraja issiq bo‘ladi.
Tog‘li hududlarda kechasi 28-29 mayda 5–10° iliq, 30–31 mayda 8–13°, kunduzi 28-30 mayda 18–23°, 31 mayda 15–20 daraja iliq bo‘lgan harorat kuzatiladi.