Ispaniyadagi JChda yosh bokschilarimiz umumjamoa hisobida birinchi bo‘ldi
Ispaniyada boks bo‘yicha yoshlar o‘rtasidagi jahon chempionati yakuniga yetdi. Unda ishtirok etgan O‘zbekiston jamoasi umumjamoa hisobida birinchi bo‘ldi, deya xabar berdi Milliy olimpiya qo‘mitasi.
O‘zbekiston yoshlar terma jamoasi 5 ta oltin, 3 ta kumush va 2 ta bronza medalini qo‘lga kiritishga muvaffaq bo‘ldi.
“Bu natijani hech bir jamoa yangilay olmadi va yoshlarimiz chempionatni umumjamoa hisobida birinchi o‘rinda yakunlashdi”, - deyiladi xabarda.
G‘olib va sovrindorlar:
Oltin medal:
-48 kg: Gulsevar G‘aniyeva
-57 kg: Baxtiyor Asadov
-67 kg: Javohir Ummataliyev
-71 kg: Fazliddin Erkinboyev
-75 kg: To‘rabek Habibullayev
Kumush medal:
-80 kg: Rahmatillo Boymatov
-70 kg: Aziza Zokirova
-81 kg: Oltinoy Sotimboyeva
Bronza medal:
-54 kg: Xo‘janazar Nortojiyev
-75 kg: Sahobat Husanova
Eslatib o‘tamiz, 25 noyabr kuni Gulsevar G‘aniyeva (-48 kg) hamda Baxtiyor Asadov (-54 kg) o‘z janglarini muvaffaqiyatli o‘tkazib, oltin medalni qo‘lga kiritishgandi. Kecha esa, Javohir Ummataliyev, Fazliddin Erkinboyev va To‘rabek Habibullayev jamoa hisobiga yana 3 ta oltin medalni qo‘shib qo‘ydi.
