Rossiyalik qiz 13 mashina ishtirokidagi YTH sababchisi bo‘ldi

Sankt-Peterburgning Viborg tumanida 13 ta mashina bilan katta avtohalokat yuz berdi. Bu haqda viloyat yo‘l politsiyasining tashviqot bo‘limi ma’lum qildi.

Ma’lum bo‘lishicha, Moskva vaqti bilan soat 09:50 atrofida Viborg trassasida 25 yoshli qiz  boshqargan “Audi A7” avtomobili piyodalar o‘tish joyiga yaqin tutgan “Mersedec” bilan to‘qnashgan. Shundan so‘ng qiz rulni yana burgan va noto‘g‘ri harakat natijasida maysazorga krib ketgan. Harakatdan to‘xtamagan holda qator turgan 13 ta mashinani borib urgan.

Avtohalokat natijasida "Audi" ning haydovchisi va yo‘lovchisi o‘rtacha darajadagi tan jarohatlari olishgan.

Internetda tarqalgan videodan ma’lum bo‘ldiki, avtohalokatni yuzga keltirgan qiz sinovdagi haydovchi bo‘lgan.