Qashqadaryoda sodir bo‘lgan YTHda 7 kishi vafot etdi

Qashqadaryo viloyati Kasbi tumanida 8 may kuni yo‘l-transport hodisasi oqibatida 7 nafar fuqaro vafot etdi. Bu haqda tuman hokimligi axborot xizmati xabar berdi.

Ma’lum qilinishicha, 8 may kuni Kasbi tuman Toshqo‘rg‘on mahallasi hududidan o‘tuvchi 4r-92 Qarshi–Talliqo‘rg‘on–Kasbi–Jeynov avtomobil yo‘lining 26-kilometrida yo‘l-transport hodisasi sodir bo‘lgan. YTH oqibatida 7 nafar fuqaro vafot etgan.

Shuningdek, sodir etilgan YTHning kelib chiqish sabablari yuzasidan yig‘ilish bo‘lib o‘tgan. Yig‘ilishda Qashqadaryo viloyati hokimi haydovchi va fuqarolarni yo‘lda xushyorlikka chaqirgan.