“Nest One“ qurilish binosida yong‘in sodir bo‘ldi

Bugun, 5-may kuni soat 17:26 da Toshkent shahar Shayxontoxur tumanida joylashgan “Nest One“ qurilish binosida yong‘in sodir bo‘layotganligi to‘g‘risida shahar FVBga xabar kelib tushgan.

Shunga ko‘ra 3 ta yong‘in-qutqaruv ekipaji voqea joyiga soat 17:27 da yetib borib, yong‘in soat 17:38 da o‘chirilgan.

Yong‘in natijasida binoning D blok 7-qavatida ta’mirlash ishlari vaqtida 4 kv.m maydonda qurilish materiali yongan.

Yong‘in oqibatida fuqarolarni tan jarohati olish va halok bo‘lish xolatlari yo‘q.