Jasur Jaloliddinov: "Hozirda hech qanday bosimni his qilmayapmiz"
O‘zbekiston U23 terma jamoasi sardori Jasur Jaloliddinov Osiyo kubogi chorak final bosqichidan o‘rin olgan Saudiya Arabistoni termasiga qarshi o‘yin haqida fikr bildirdi.
– Ertaga oldimizda muhim uchrashuv bor. Biz o‘yinga tayyormiz.
Tayyorgarlik haqida:
– Bu musobaqaga uzoq muddat tayyorgarlik ko‘rdik. Yildan yilga o‘z o‘yinimizni shakllantirib, o‘sishga erishdik. Hozirda hech qanday bosimni his qilmayapmiz. Bor e’tiborimiz ertangi o‘yinga qaratilgan.
Futzal terma jamoamizning g‘alabasi haqida:
– Albatta bundan juda ham xursandmiz. Futzalchilarimiz ham biz ham bir jamoamiz va xalqimizni g‘alaba bilan xursand qilishni maqsad qilganmiz. Ertangi o‘yinda ularga ham omad tilayman.
Ertangi o‘yindagi muxlislik haqida:
– Biz xalqimizning qo‘llab-quvvatlashini his qilib turibmiz. Ular g‘alabamiz uchun duoda bo‘lishmoqda. Ertangi o‘yinda raqib jamoa muxlislari ko‘p bo‘lishi bizga bosim bermaydi, bor e’tiborimizni g‘alaba qozonishga qaratamiz.
