Belgoroddagi portlashda besh kishi jabrlandi

OAV sabab Rossiya bombasi bo‘lishi mumkinligini taxmin qilmoqda.

Viloyat gubernatori ma’lumotlariga ko‘ra, uch ayol va ikki erkak jarohat olgan. Ular kasalxonaga yotqizilgan, jabrlanganlarning hayotiga xavf yo‘q. U sodir bo‘lgan voqea sababini aytmadi.

«Hozirgi vaqtda 30 ta xususiy uy xo‘jaligida zarar aniqlangan, 10 ta avtomobil ham shikastlangan. O‘t o‘chirish brigadalari ikkita yong‘inni bartaraf etmoqda», — deya qo‘shimcha qildi Vyacheslav Gladkov.

Mahalliy «Ashes» telegram kanali Rossiyaning havo bombasi shaharga qulagan bo‘lishi mumkin deb hisoblamoqda. Uning so‘zlariga ko‘ra, portlashdan oldin rasmiylar Ukrainadan raketa zarbasi xavfi haqida e’lon qilmagan, uylarga yetkazilgan zarar esa dron zarbasi oqibatlariga o‘xshamaydi – avvalroq mintaqada bir nechta dron urib tushirilgan.

Shu bilan birga, Rossiya aviasiyasi Ukraina hududiga sozlanishi mumkin bo‘lgan havo bombalarini o‘qqa tutdi, deb yozdi Xarkov ma’muriyati rahbari Oleg Sinegubov.