Turkiya parlamenti va AQSh Kongressi o‘rtasida ko‘proq tizimli aloqalar o‘rnatish vaqti keldi

Turkiya va Amerika Qo‘shma Shtatlari o‘rtasidagi munosabatlarda hamkorlik uchun ochiq ko‘p sonli sohalar mavjud. Bu haqda Turkiya parlamentining Tashqi aloqalar komissiyasi raisi va Anqara deputati Fuat O‘qtay Vashingtonda turk jurnalistlari bilan uchrashuvda Turkiya delegasiyasining AQShga tashrifi doirasidagi aloqalarni sharhlar ekan, aytib o‘tdi.

Oktay, uchrashuvlar chog‘ida ikki tomonlama va mintaqaviy munosabatlardan tortib, tijorat sherikliklariga qadar keng miqyosda ikki davlatga tegishli ko‘plab mavzular muhokama qilinganini qayd etdi. Turkiyalik siyosatchiga ko‘ra, Kongress a’zolari bilan uchrashuvlar juda konstruktiv o‘tdi.

«Biz bu yerda, ayniqsa, Vakillar palatasi va Senat darajasida ko‘proq tarkibiy munosabatlarni rivojlantirish va mavjud mexanizmlarni faollashtirish uchun keldik. Turkiya Oliy Millat Majlisi bilan Kongress o‘rtasida yanada tizimli aloqa o‘rnatish vaqti keldi», dedi Oktay.

Siyosatchi Turkiya delegasiyasi terrorizmga qarshi kurashdan tortib, G‘azo sektorigacha bo‘lgan ko‘plab mavzularda Turkiyaning pozisiyasini amerikalik suhbatdoshlariga yetkazganiga e’tibor qaratdi.

Oktayga ko‘ra, Turkiyaning AQSh bilan umumiy manfaatlari bor, lekin bu borada kelishmovchiliklar ham bor.