Buxorodagi hodisada halok bo‘lganlarning oilalariga 10 mln so‘mdan moddiy yordam puli ajratildi

O‘zbekiston Prezidenti tomonidan Buxoro viloyatida avtobusdagi gaz balloni portlashi oqibatida vafot etgan va jabrlanganlarning oilasiga moddiy yordam puli ajratildi. Bu haqda Buxoro viloyati IIB Sof.uz’ga xabar qildi.

Ma’lum bo‘lishicha, vafot etgan 5 nafar shaxsning oilasiga 10 mln so‘mdan ajratildi. Shuningdek, og‘ir tan jarohati olgan 11 nafar shaxsning oilasiga 5 mln so‘mdan va qolgan jarohatlanganlarga 2 mln so‘mdan moddiy yordam puli berilgan.

Marhumlarning janoza marosimlari Vobkent tuman hokimligi tomonidan o‘tkazib beriladi.  

Manba: sof. uz