Yaman: 250 ming kishi ochlikning eng yomon bosqichida
BMTning gumanitar masalalar bo‘yicha koordinatori Mark Lokok Yamanda 250 ming kishi ochlikning eng yomon – beshinchi bosqichiga yetganini ma’lum qildi. Bu haqda DW xabar bermoqda.
Mazkur mamlakatda ochlik bilan kurashayotganlarning soni 15 foizga ortib, 20 million kishiga yetgan, bu esa aholining 70 foizi demakdir. Bu odamlarning 4 millioni ochlikning “favqulodda holat” deb ataluvchi to‘rtinchi bosqichida ekani aytilmoqda. Ushbu bosqichdagilar orasida o‘lim darajasi yuqori va ular ovqat ololmaydigan darajada qashshoq bo‘ladi.
Ochlikning eng yomon bosqichiga yetgan 250 ming kishi to‘rt viloyat – Toiz, Sada, Haja va Hadiydaga to‘g‘ri keladi. Bu bosqichdagi ochlar Yamandan tashqari Janubiy Sudanda ham bor.
Manba: azon.uz