Toshkentda pora bilan qo‘lga tushgan «Vatanparvar» tashkiloti rahbarlaridan biriga hukm chiqarildi

Ushbu holat yuzasidan Jinoyat ishlari bo‘yicha Toshkent shahar Olmazor tumani sudi tomonidan keng jamoatchilik vakillari ishtirokida sayyor sud majlisi o‘tkazildi.

Sud ishida sudlanuvchi barcha aybiga iqror bo‘ldi. Guvohlarning holat yuzasidan ko‘rsatmalari eshitildi. To‘plangan dalillar yana bir bor ko‘zdan kechirilib, sudlanuvchiga hukm e’lon qilindi.

Z.M.ga nisbatan Jinoyat kodeksining tegishli moddasi bilan qonunda belgilangan tartibda jazo tayinlandi. Uning avval sudlanmagani, qilmishidan chin ko‘ngildan pushaymonligi inobatga olindi.

Manba: kun.uz