SHHT sammiti kuzga ko‘chirildi

Rossiya prezidenti Vladimir Putin SHHT sammitini kuz mavsumiga ko‘chirishga qaror qildi, deb xabar qilmoqda RIA Novosti. 

"SHHT sammiti 22-23 iyul kunlari Sankt-Peterburgda bo‘lib o‘tishi rejalashtirilgan edi. Barcha mamlakatlarda muvaffaqiyatli hal qilinmagan epidemiologik vaziyat tufayli uni kuzga ko‘chirishga qaror qilindi. Sammitni videoaloqa orqali o‘tkazish nazarda tutilmagan, batafsil fikr almashib olish uchun yuzma-yuz uchrashuv kerak", - deyilgan xabarda.  

Ayni vaqtda Shanhay hamkorlik tashkilotida O‘zbekiston, Rossiya, Xitoy, Hindiston, Qozog‘iston, Tojikiston, Qirg‘iziston va Pokiston a’zo davlatlar, Afg‘oniston, Belarus, Eron va Mo‘g‘uliston kuzatuvchi davlatlar hisoblanadi.