Saudiya Arabistonida ayol sudyalar ish boshlaydi
Saudiya Arabistonida ayollar yaqin kelajakda sudya sifatida ishlash imkoniyatiga ega bo‘ladilar. Bu haqda Ayollarning imkoniyatlarini kengaytirish bo‘yicha vazir o‘rinbosari Hinda Zohid xonim aytib o‘tgan.
“Al-Arabiya” bilan suhbatda Zohid xonim shuningdek Qirollik ayollarining imkoniyatlarini kengaytirishga, xususan, ularning jamiyat hayotining turli sohalarida ishtirok etishlariga imkon berish, mamlakatda gender tengligi masalalari bo‘yicha erishilgan muaffaqiyatlarga to‘xtalib o‘tgan.
Ayollarning jamiyat ijtimoiy-siyosiy hayotidagi faol ishtirokini baholovchi xalqaro reyting kompaniyalari Saudiya Arabistoni ayollar huquqlari borasida yuqori ko‘rsatkichlarga erishganini ma’lum qilgan. Xususan, Saudiya ayollarining Qirollik mehnat bozoridagi ishtiroki kutilganidan oshib ketganligi ta’kidlangan.
«Ayollarning ishtirok etish darajasi bugungi kunda 31 foizga yetdi va bu juda katta yutuq. Davlat xizmati sohalariga kelsak, saudiyalik ayollarning ishtirok etish darajasi 39 foizdan 41 foizgacha o‘sdi va ularning aksariyati ta’lim va sog‘liqni saqlash sohalarida ishlaydi”, degan Zohid xonim.