Mirziyoyev ertaga Yangi yildagi ilk tashrifni amalga oshiradi

O‘zbekiston Respublikasi Prezidenti Shavkat Mirziyoyev joylarda amalga oshirilayotgan bunyodkorlik ishlari, iqtisodiy-ijtimoiy islohotlarning borishi bilan tanishish maqsadida ertaga, 10 yanvar kuni Samarqand viloyatiga jo‘nab ketadi. Bu haqda QALAMPIR.UZ manbasi xabar bermoqda.

Davlat rahbari Samarqandda 10-11 yanvar kunlari bo‘lishi kutilmoqda.

Tashrifdan asosiy maqsad viloyatda amalga oshirilayotgan islohotlar, investision loyihalar bilan tanishish, topshiriqlarning o‘z vaqtida amalga oshirilishini nazorat qilishdan iborat.

Xabaringiz bor, O‘zbekiston Respublikasi Prezidentining Diniy-ma’rifiy soha faoliyatini tubdan takomillashtirish chora-tadbirlari to‘g‘risida gi farmoni bilan mamlakatda Hadis ilmi maktabi tashkil etildi. Prezidentning Samarqandga tashrifi doirasi Hadis ilmi maktabi va Imom Buxoriy ilmiy-ilmiy tadqiqot markazining loyihalari ham taqdim etilishi ko‘zda tutilgan.

Shavkat Mirziyoyevning Samarqandga tashrifidan Xalq deputatlari viloyat kengashi a’zolari va faollar bilan yig‘ilish ham o‘rin olgan.