Apple kamerali AirPods ishlab chiqarmoqchi
Apple kompaniyasi 2026 yilga borib yangi kamera modullariga ega AirPods’larni ommaviy ishlab chiqarishni rejalashtirmoqda Bu haqda tahlilchi Ming-Chi Kuo xabar berdi.
Yangi quloqchinlar iPhone va iPad’dagi Face ID modulining bir qismi sifatida infraqizil kameraga ega bo‘lishi mumkin. Apple kompaniyasining maqsadi kamera bilan jihozlangan AirPods’larni Vision Pro va kelajakdagi Apple Vision minigarnituralari bilan integrasiya qilishdir:
Masalan, foydalanuvchi Vision Pro yordamida video tomosha qilayotganda yangi AirPods taqadi. Agar foydalanuvchilar boshlarini ma’lum bir tomonga o‘girsalar, audio atrof-muhitga moslashishi kutilmoqda.
Bundan tashqari, AirPods’ning infraqizil kamerasi atrof-muhitdagi o‘zgarishlarni aniqlash, “inson va qurilma o‘rtasidagi aloqani yaxshilash uchun havoda imo-ishoralarni qayd etish imkonini beradi”.
Kuoning ta’kidlashicha, Foxconn kompaniyasi AirPods bilan ishlatiladigan infraqizil kamera yetkazib beruvchisi hisoblanadi. U yiliga 18-20 millionta kamera yoki 10 million juft AirPods’ni texnologiya bilan ta’minlashi kutilmoqda.
