Noqonuniy tamaki mahsulotlari savdosida hali hamon Farg‘ona vodiysi yetakchilik qilmoqda
Ayni damda O‘zbekiston bo‘yicha noqonuniy tamaki mahsulotlari savdosida Farg‘ona vodiysining ulushi 30,1 foizini tashkil qiladi. Tasavvur qilishingiz uchun, bu deyarli 1/3 O‘zbekiston degani.
Mamlakatning boshqa hududoarida ham vaziyat ancha yomon. Mmsol uchun, yaqinda Bosh Prokuratura xodimlari va IIV vakillari birgalikda o‘tkazgan reydda Qashqadaryo viloyatining Kitob tumanida chet elda ishlab chiqarilgan, aksiz markasi va belgilangan namunadagi markirovkasi bo‘lmagan 2 215 quti sigaret musodara qilindi. Bundan tashqari, Surxondaryo viloyatining Denov tumanida 1 850 quti noqonuniy «Milano» va «Esse Change» markali sigaretlarni sotishga uringan tadbirkorlar qo‘lga oldi. Poytaxtda ham bu holatlar ro‘y beryabdi. Masalan, Yakkasaroy tumanida aksiz markasi va belgilangan namunadagi markirovkasi bo‘lmagan 1 198 kontrabanda tamaki mahsulotlar qo‘lga olinib, musodara qilindi.
Xo‘sh, noqonuniy tamaki kontrabandasiga qarshi qanday kurashish kerak degan savol tug‘iladi. Avvalo qonun ustuvor, jazo muqarrar va keskin bo‘lishi kerak. Shu bilan bir qatorda, o‘zimiz ham bunday qonunbuzarliklarga guvoh bo‘ldikmi, tezlik bilan tegishli organlarga xabar berishimiz kerak. Chunki bu hammamizning muammoimiz.
