Ruslar Ukrainaning aholi gavjum hududlarini bosib olishda davom etmoqda

Rossiya harbiylari Ukraina sharqiga kirib bordi. "DeepState" monitoring loyihasi rossiyaliklar Ukrainaning Donetsk viloyatidagi Sokol va Vosxod aholi punktlarini egallab olgani haqida xabar berdi.

Bundan tashqari, ruslar Xarkov viloyatining bir qancha hududlarida ilgarilab ketgani xabar qilingan.

Ukraina Qurolli kuchlari Bosh shtabi ma’lumotlariga ko‘ra, 3 iyul kun boshidan soat 22:00 gacha frontda 135 ta harbiy to‘qnashuv sodir bo‘lgan. Xususan, Xarkov yo‘nalishidagi ruslar Lipsy, Volchansk va Glubokoe hududlaridagi Ukraina bo‘linmalarining pozisiyalariga 11 marta bostirib kirishgan.