Amerikalik talabalar G‘azodagi urushga qarshi chiqishdi

Talabalar noroziliklari Garvarddan Janubiy Kaliforniyagacha bo‘lgan ta’lim muassasalarini qamrab oldi, ular AQSh hukumatini Isroil harbiy amaliyotlarini moliyalashtirishdan bosh tortishga chaqirmoqda, deb xabar beradi Kazinform.

Norozilik namoyishlari Nyu-Yorkdagi Kolumbiya universiteti talabalarining hibsga olinishi va chiqarib yuborilishi ortidan butun mamlakat bo‘ylab avj oldi. Yel, Nyu-York, Braun, Janubiy Kaliforniya, Garvard, Texas, Michigan, Massachusets texnologiya instituti, Kaliforniya davlat politexnika universiteti va boshqalar norozilik namoyishlarini boshladilar.

Texas Xavfsizlik departamenti ma’lumotlariga ko‘ra, Ostindagi Texas universitetida 34 kishi hibsga olingan.

Los-Anjeles polisiyachilari namoyishchilarni tarqatish buyrug‘iga binoan Janubiy Kaliforniya universiteti kampusini o‘rab oldi. Ayrim talabalar tarqalib ketishdi, biroq 50 ga yaqin namoyishchilar markaziy kampusni tark etishdan bosh tortganlari uchun hibsga olindi.

G‘azo ma’muriyatiga ko‘ra, 2023 yil 7 oktyabr kuni 1200 ga yaqin odamning umriga zomin bo‘lgan XAMAS terrorchilik hujumlariga Isroil tomonidan javoban anklavda 30 mingdan ortiq odam halok bo‘lgan.