Tibbiyot xodimlari vazirning ofisiga bostirib kirishga urinishdi

Belgiyada sog‘liqni saqlash xodimlari seshanba kuni bo‘lib o‘tgan norozilik namoyishlari paytida mamlakat sog‘liqni saqlash vazirining ofisiga bostirib kirishga harakat qilishdi.

Bir necha ming ishchi mehnat sharoitlarini yaxshilashga chaqirish va COVID-19 vaksinalarini ular uchun majburiy qilib qo‘yadigan tartibga qarshi chiqish uchun yig‘ildi.

Polisiya ma’lumotlariga ko‘ra, aksiyada Belgiyaning turli burchaklaridan Bryusselga kelgan 4000 kishi qatnashgan.

Namoyishlar chog‘ida pandemiya sababli og‘ir mehnat sharoitlariga e’tibor qaratish maqsadida kichik bir guruh sog‘liqni saqlash vazirining idorasi tomon yurdi va binoning kirish qismidagi oynalarga ura boshladi.

Tartibni saqlash polisiyasi tezda binoni ichkaridan qo‘riqladi va namoyishchilarning bir qismi ko‘zdan yosh oqizuvchi gaz bilan tarqatib yuborildi.

Belgiya 1 yanvardan boshlab barcha tibbiyot xodimlari uchun emlashni majburiy qilishga qaror qildi. Barcha xodimlarga emlash uchun uch oy vaqt beriladi.

Emlanmagan xodimlarga nima bo‘ladi?

Bu vaqt davomida emlanmaganlar, agar ular COVID-19 dan tuzalib ketganligi to‘g‘risida sertifikat yoki muntazam manfiy testlarni taqdim etmasalar, ularning shartnomalari to‘xtatilganligi va vaqtincha ishsizligi haqida xabar beriladi.

Aprel oyidan boshlab rad etish uchun uzrli sababga ega bo‘lmagan xodimlar noma’lum muddatga ishdan bo‘shatiladi.