Qo‘qonda o‘yinchoq qurol bilan mahalliy klubni reklama qilgan erkak 5 sutkaga qamaldi
Qo‘qonda o‘yinchoq qurol bilan mahalliy klubni reklama qilgan erkak ma’muriy qamoqqa olindi, deb xabar beradi «Podrobno.uz» muxbiri.
U o‘tkinchilarga orqadan yaqinlashib, unga «qurol» ko‘rsatgan shubhali reklama videosi tarmoqda tarqalib, foydalanuvchilar orasida bahs-munozaralarga sabab bo‘ldi.
Huquqbuzarga nisbatan Ma’muriy javobgarlik to‘g‘risidagi kodeksning 183-moddasi (mayda bezorilik) va 194-moddasi (ichki ishlar organi xodimining qonuniy talablariga rioya qilmaslik) bilan jinoyat ishi qo‘zg‘atilgani haqida viloyat IIB matbuot xizmati xabar berdi. Sud uni 5 sutkaga ma’muriy qamoqqa olishga hukm qildi.
Qayd etilishicha, qo‘lga olingan shaxs avval ham bir necha marta huquqbuzarlik sodir etgan. Jumladan, joriy yilning 2 yanvar kuni Qo‘qon shahrining markaziy ko‘chalaridan birida yo‘l o‘rtasiga stol-stul qo‘yib ovqatlanib, vaziyatni videoga olib, keyinchalik ijtimoiy tarmoqlarga joylashtirgan. Buning uchun u Ma’muriy javobgarlik to‘g‘risidagi kodeksning 183-moddasiga asosan jarimaga tortilgan.
