Ronaldu Yevro-2024ning eng yomon futbolchisi bo‘lib turibdi
![Ronaldu Yevro-2024ning eng yomon futbolchisi bo‘lib turibdi Ronaldu Yevro-2024ning eng yomon futbolchisi bo‘lib turibdi](/photos/news/Dcc1JqsobvtacEu.jpeg)
Krishtianu Ronaldu hali Yevropa chempionatida birorta ham gol ura olmadi.
Portugaliyalik yulduz allaqachon uchta gol urishi mumkin edi - u tomonidan kutilgan gollar (xG) 2,9 ni tashkil etadi.
WhoScored ekspertlari urilgan gollar ko‘rsatkichidan kutilgan gollar ko‘rsatkichini ayirib, Yevro-2024ning eng yomon o‘yinchilarini aniqlashdi. Eng yomoni ko‘rsatkich -2,9 ball bilan Ronalduda qayd etilgan.
Reytingning ikkinchi qatorida Romelu Lukaku (-2,3) o‘rin olgan bo‘lsa, Kay Xavers (-2) kuchli uchlikka yakun yasagan. Keyingi o‘rinlarda Lamin Yamal (-1,8), Aleksandr Mitrovich (-1,8), Antuan Grizmann (-1,6) va Kilian Mbappe (-1,5) egallagan.
Eslatib o‘tamiz, dushanba kuni Sloveniyaga qarshi o‘yinda Krishtianu Ronaldu penaltidan foydalana olmadi.