Isroil G‘azoda bir kunda besh askarini yo‘qotdi
So‘nggi 24 soat ichida Isroil G‘azo sektorida yana besh nafar askarining halok bo‘lganini e’lon qildi va bu bilan Isroil hukumati tomonidan o‘lgan deb tan olingan jami askar soni 674 nafarga, 7 oktyabrdan beri yaralangan askarlar soni esa 9000 nafarga yaqinlashdi.
Isroil armiyasidagi nogiron askarlarning umumiy soni o‘tgan oy birinchi marta 70 mingdan oshdi, ularning 35 foizi ruhiy salomatlik muammolari va 21 foizi jismoniy jarohatlar tufayli davolanmoqda. Tegishli ma’lumotni Isroilning 7-kanal ham tasdiqladi.
“Davolash bo‘limlarida davolanayotgan 70 mingga yaqin nogiron askarning 9539 nafari jarohatdan (travma) keyingi va psixiatrik reaksiyalardan aziyat chekmoqda”, — deyiladi xabarda.
Aprel oyi o‘rtalarida Isroil armiyasi oktyabr oyida boshlangan bosqinchilik harakatlaridan buyon 2000 dan ortiq askar, polisiya va xavfsizlik xodimlari ishdan bo‘shatilganini tan oldi, deb xabar qildi Isroil Mehnat vazirligi.
Ma’lumot uchun, 7 oktyabrdan buyon Isroil AQShning bevosita harbiy ko‘magi ostida qariyb 38 ming nafar falastinlikni halok qildi. Yuz minglab tinch aholi vakillari, ularning aksariyati bolalar va ayollar, jarohatlangan. Qamalgan va bedarak yo‘qolganlarning son-sanog‘i yo‘q.
