Qashqadaryoda er xotinining qo‘l-oyog‘ini stulga bog‘lab, vahshiylarcha o‘ldirdi
Qashqadaryoda rashk tufayli kelib chiqqan janjal sabab erkak rafiqasini bo‘g‘ib o‘ldirdi. Bu haqda Bosh prokuratura Matbuot xizmati rahbari Hayot Shamsutdinov ma’lum qildi.
Aniqlanishicha, 2020 yil 1 aprel kuni soat 12:00 larda Shahrisabz shahri, Teparlik mahallasida yashovchi 1974 yilda U.Q. turmush o‘rtog‘i, 1981 yilda tug‘ilgan G.S. bilan rashk tufayli o‘zaro janjallashib qoladi. Shundan so‘ng erkak ayolini o‘ldirish maqsadida yashash uyining xo‘jalik xonasidagi stulga majburan o‘tqizib, qo‘l va oyoqlarini stulga arqon ip bilan bog‘laydi. Qo‘lidagi arqon bo‘lagi bilan esa ayolning bo‘yin sohasidan bo‘g‘ib, qasddan o‘ldiradi.
Mazkur holat yuzasidan shu kuni shahar prokuraturasi tomonidan U.Q.ga nisbatan JKning 97-moddasi 1-qismi bilan jinoyat ishi qo‘zg‘atilgan. Ayni paytda u gumonlanuvchi tarikasida ushlangan.
