Vengriyada 12 yoshli qiz sinfdoshiga pichoq bilan hujum qildi

Telex axborot portaliga ko‘ra, 6-sinf o‘quvchisi uyidan pichoq olib kelib, dastlab stoli ostiga yashirgan. Zarba taxminan 20 sm uzunlikdagi pichoq bilan orqa tomondan - yurak sohasiga urilgan.

Og‘ir yaralangan qizni qutqarib qolishdi: shoshilinch jarrohlik amaliyotidan so‘ng uning ahvoli barqaror, 10 kundan keyin kasalxonadan chiqib ketishi mumkin.

Polisiya ma’lumotlariga ko‘ra, hujumchi o‘z sinfdoshlarining ismlari ro‘yxati bilan topilgan, ehtimol u o‘ldirmoqchi bo‘lganlar ham qizil rang bilan belgilangan. OAV ma’lumotlariga ko‘ra, ro‘yxatga qurbonning ukasi va ikki amakivachchasi ham kiritilgan.

Polisiya qizning ehtimoliy sabablari haqida hozircha izoh bermadi. U voyaga etmaganlar vaqtinchalik saqlash hibsxonasida: polisiyaning fikricha, topilgan ro‘yxatga asoslanib, uning yangi jinoyatlar sodir etishini inkor etib bo‘lmaydi.