Bir yil ichida 5727 nafar afg‘on noqonuniy muhojir Buyuk Britaniyaga La-Mansh kanali orqali kirgan

Bunday xulosaga Britaniya Ichki ishlar vazirligi 2023 yilning martidan 2024 yilning martigacha bo‘lgan ma’lumotlarni tahlil qilib chiqdi. Noqonuniy muhojirlarning aksariyati afg‘onlar bo‘lib, ular umumiy sonining 18 foizini tashkil qiladi. 2018 yildan buyon Buyuk Britaniyaga shu yo‘l bilan 120 ming noqonuniy muhojir kirib kelgan, 72 kishi La-Mansh dengizi suvlarida cho‘kib ketgan.

Ayni paytda London yangi migrasiya siyosati ustida ishlamoqda, unga ko‘ra noqonuniy migrantlar Ruandaga jo‘natiladi.