Sulton Mehmet II Fotihning mashhur portreti London muzeyida namoyish etilmoqda

Londondagi Viktoriya va Albert muzeyida (VA) italyan rassomi Gentile Bellinining Usmonli Sultoni Mehmet II Fotihning (Fatih) mashhur portreti, Usmonli hukmdori tasvirlangan bronza medalyonlar bilan birga namoyish etilmoqda.

Anadolu muxbiri, Londondagi Viktoriya va Albert muzeyi va rasmga ega Milliy galereyadan olingan ma’lumotlarga asoslanib, Bellinining «Sulton Mehmet II» nomli portreti va Usmonli sultoni tasvirlangan uchta bronza medalyon tarixi haqidagi ma’lumotlarni sarhisob qildi.

Zamonaviy portret deb hisoblanishi mumkin bo‘lgan rasmning sayohati Sulton Mehmet II Fotih Bellinini Istanbulga taklif qilgan paytda boshlangan.

Venesiya Respublikasi bilan shartnoma tuzgan Usmonli davlati 1479 yilda Venedikdan Istanbulga ham rasm, ham haykaltaroshlikda zo‘r bir rassom yuborishni so‘radi. Istanbulga kelgan Bellini 1481 yilgacha Istanbulda qoldi. Italiyalik rassom va haykaltarosh-medalist portret bilan bir qatorda medalyon yaratdi, shuningdek, o‘sha davrning rang-barangligini tikladi.

XVI asrda yashagan yozuvchi, «Eng mashhur italyan rassomlarining hayoti» kitobining muallifi Jorjio Vasarining so‘zlariga ko‘ra, portretni yaratish Istanbulda boshlangan, ammo Venesiyada yakunlangan.