Germaniyada 14 iyun kuni boshlanadigan futbol bo‘yicha Yevropa chempionati vaqtida temiryo‘lchilar ish tashlashi kutilmoqda

EVG temir yo‘l kasaba uyushmasidan ish tashlash tahdidi xodimlar uchun xavfsizlik choralari talablari bilan bog‘liq.

Temiryo‘lchilar o‘rtasida o‘tkazilgan so‘rovda respondentlarning 64 foizi so‘nggi 12 oy ichida zo‘ravonlik yoki tajovuzga uchraganini aytishgan. Xodimlarning 36 foizi ish joyida o‘zini xavfli his qiladi. EVG poezd konduktorlari, stansiya xodimlari va ishonch telefoni xodimlari bilan suhbatlashdi.

Agar Yevropa chempionati boshlanishidan oldin xavfsizlik holati yaxshilanmasa, «biz poyezdlar qatnamasligiga ishonch hosil qilamiz», dedi kasaba uyushmasi rahbari Kristian Lorox Tagesspiegel gazetasiga. Xodimlar, masalan, chempionat paytida, qo‘shimcha ish vaqtlarini birgalikda qisqartirishi mumkin, deydi Lorox.

Xavfsizlik nuqtai nazaridan poyezd yo‘lboshchilari yolg‘iz ishlamasligi kerak, deydi kasaba uyushmasi. Tashkilotning fikricha, «ikki shtat» standartga aylanishi kerak.