Turkiya mahalliy saylovlarning yakuniy natijalarini 6 may kuni e’lon qiladi

6 may kuni Turkiya Markaziy saylov komissiyasi 31 mart kuni respublikada bo‘lib o‘tgan mahalliy hokimiyat organlariga saylovning yakuniy natijalarini e’lon qiladi.

Bu haqda Markaziy saylov komissiyasi xabarida aytiladi.

Turkiyadagi munisipal saylovlarda 30 ta yirik shahar merlari, munisipalitet va mahalliy hokimiyatlar rahbarlari saylandi.

Oxirgi natijalarga ko‘ra, muxolifatdagi Jumhuriyat Xalq partiyasi (CHP) 37,77 foiz, hukmron Adolat va taraqqiyot partiyasi (AKP) ikkinchi o‘rinni egalladi, saylovchilarning 35,49 foizi uning nomzodlariga ovoz berdi.