Niderlandiya va’dani bajarmoqda: Ukraina armiyasi F-16 samolyotlari bilan quvvatlanadi

Niderlandiya yaqin orada Ukrainaga F-16 samolyotlarini yuboradi.

Niderlandiya yaqin orada Ukrainaga va’da qilingan 24 ta F-16 qiruvchi samolyotlaridan birinchisini yetkazib beradi, deya xabar bermoqda "Reuters" agentligi mamlakat hukumatiga tayanib. Niderlandiya mudofaa vaziri Kaysa Ollongren zarur ruxsatnoma allaqachon berilgani haqida xabar berdi.

U birinchi partiyada qancha samolyot bo‘lishi va ular Ukrainaga aniq qachon yetib borishini aytishdan bosh tortdi va buni xavfsizlik nuqtai nazaridan deya tushuntirdi. Vakillar palatasiga bu haqda maxfiy ravishda xabar beriladi.

O‘tgan yili Gollandiya Buyuk Britaniya bilan birgalikda Ukrainaga F-16 samolyotlarini sotib olish uchun xalqaro koalisiya tuzgan edi. Bundan tashqari, mamlakat hukumati o‘z jangchilarini ukrainalik uchuvchilarni tayyorlash uchun Ruminiyadagi o‘quv markaziga yuborgan.