Saratonni bartaraf etadigan nanorobotlar ishlab chiqildi
Shvesiyadagi Karolinska instituti olimlari sichqonlardagi saraton hujayralarini yo‘q qila oladigan nanorobotlarni ixtiro qilishdi.
Nanorobotlar sitotoksik ta’sirga ega bo‘lgan olti burchakli shaklda ilgari ishlab chiqarilgan peptid tuzilmalariga asoslangan. Ushbu birikma sog‘lom hujayralarga zarar yetkazishi mumkinligi sababli, u DNKdan shakllantirilgan nanotuzilma ichiga yashiringan.
Sut bezlari o‘smalari bo‘lgan sichqonlar ustida o‘tkazilgan tajribalarda nanorobotlarning samaradorligi tasdiqlandi. Nofaol nanorobotlarga qaraganda sichqonlar organizmiga kiritilgan nanorobotlarning faol variantlari ularda o‘sma o‘sishini 70 foizga kamaytirdi. Tadqiqotchilar ushbu usulning samaradorligini haqiqiy odam kasalliklariga taqlid qiluvchi murakkabroq saraton modellarida sinab ko‘rishni rejalashtirmoqda, deb xabar beradi lenta.ru.
