JSST pandemiyaning tugashi bilan bog‘liq yangi taxminni e’lon qildi
JSSTning favqulodda qo‘mitasi koronavirus pandemiyasi hali uzoq vaqt davom etishini taxmin qildi.
Bu haqda tashkilotning rasmiy bayonotida ma’lum qilindi.
«Dunyodagi vaziyat xavfliligicha qolmoqda», deydi qo‘mita barcha hamkorlarga COVID-19ga qarshi kurashdagi sa’y-harakatlari uchun minnatdorchilik bildirar ekan.
Agentlik, shuningdek, mamlakatlarning infeksiyaga qarshi turg‘un munosabati muhimligini ta’kidlab, yoshlarni kasallik tarqalishining oldini olish uchun barcha himoya vositalaridan foydalanishga chaqirdi.
Ma’lumotlarga ko‘ra, favqulodda qo‘mitaning pandemiya bilan bog‘liq vaziyatni keyingi baholash jarayoni 3 oydan so‘ng bo‘lib o‘tadi.
1 avgust kuni ertalab dunyoda koronavirus bilan kasallanganlarning umumiy soni 17,5 million kishidan oshdi. Pandemiya 188 mamlakatga ta’sir ko‘rsatdi.